quand le peuple de Dieu se mesla auee les Moabites, qu'ils les attirerent aux sacrifices de Bahal-Phegor1 l'ire de Dieu s'embrasa, and en mourut vingt and quatre mil: and en fust mort beaucoup plus n'eust esté que soudain Pinhas fils d'Eleazar voyant l'ire de Dieu se embraser, transperça d'outre en outre l'vn des Capitaines du peuple couché auec vne Moabitide. Alors la mortalité cessa: Et Dieu dict à Moyse, Pinhas a appaisé ma fureur par vn zele ardent qu'il a eu de mon honneur, and a empesché que ie ne ruinasse ce peuple. Dy luy que ie traitteray alliance auec luy, and sa posterité pour estre mes Sacrificateurs. Depuis il vescut trois cens ans, and sa posterité à iouy plus de trois mil cinq cens ans de la sacrificature, qui estoit le plus grand honneur qu'on peut auoir. Voyla donc le premier fruict de la punition des meschans. C'est d'appaiser l'ire de Dieu, and sa vengeance sur tout vn peuple. C'est pourquoy il est commandé2 aux Iuges quand ils auroient faict information, and qu'ils n'auront peu descouurir celuy qui aura faict l'homicide, qu'ils prennent vne vache pour sacrifier au lieu ou l'homicide s'est fait, and lauer les mains cõme innocens du faict, and prier Dieu qu'il n'espande son ire sur le peuple pour l'effusion du sang. Le second fruict de la punition est pour obtenir la benediction de Dieu sur tout vn pays, comme quand il est dict en la Loy de Dieu,3 Apres que vous aurez razé à feu and à sang la ville d'entre mon peuple, and d'entre voz freres, qui aura laissé Dieu pour seruir aux idoles, and que vous aurez tué toute ame viuante, hommes and bestes, vous dresserez vn comble de pierre and mont-joye en triom. -notes- 1Num.c.15. 2Deuter. ca. 211. 3Denter. 13. Page 482
