qui estoient marquez auoyent comme vne piste, ou pied de lieure, and que l'endroict estoit insensible, encores qu'on y mist vne aiguille iusques aux os. Ce seroit bien vne presomption tres-violente, and suffisante auecques d'autres indices: pour proceder à la condemnation: comme en cas pareil, la deposition du Sorcier repenty, qui en accuse plusieurs en mourant, doibt seruir de presomption violente contre les autres. Car il est à presumer6, puis qu'il c'est repenty, and qu'il a inuoqué Dieu, qu'il a dict la verité. Mais aussi il ne faut pas y adiouster foy, si le Sorcier est mort obstiné, comme la pluspart meurent and ne peuuent ouyr parler de Dieu. Qui seruira de limitation à la reigle des anciens Docteurs: que celuy qui meurt est presumé de dire verité. Sur laquelle deposition nos peres anciens procedoient à la condemnation: comme il se faisoit aussi en crime de leze majesté. Et de faict Neron fist mourir ses plus intimes sur la deposition de ceux qui mouroyent, qui n'auoyent autre but que de se venger de leurs ennemis en mourant. Tout cela depend de la discretion d'vn Iuge prudent and bien entendu, qui peut voir si celuy qui meurt parle pour se venger,7 and s'enquerir diligemment s'il a eu inimitié contre ceux qu'il defere. Il y en eut vne Sorciere nommee Beraude bruslee à Maubec pres Beaumont de Lomaigne: and lors qu'elle fut sur le poinct d'estre bruslee, on luy demanda si vne Damoyselle, qu'elle auoit accusee, en c'estoit: la Damoyselle luy fust confrontee, qui le nya. Mais la Sorciere luy repliqua ces mots, No scabes tu pas -notes- 6ex. l. vit. ad leg. Iul. repetund. and o. Sancimus. prima.q. 7 Lcum quis decedens. §. codt. ilias de legar. 2. ff. authen. quod obtinet, vbi Bald. de probat. and in leg. 2. comomunia de leg. C.D.in c. qua ni, de re iudicata Alexan. in l. si de donat. de col.Co. 7Vide Bald. in in. de pace Conftant. verbo vassala. in sine.laso. in.l. 1.col. 2.Oltra. consil. 192. viso. Hippol. Marsi.in prat. §. restit. coll. 12. and in rubrica de sideius. col. 7.8. and seq c. latis. Bartol. in l. si quis in graui §. 1. ad Syllanianun. ff. Page 478
