quoy que sainct Augustin au liure de Mendacio, and Thomas d'Aquin soyent d'aduis qu'il ne faut iamais mentir de huict sortes de mensonges, qu'ils mettent bien au long2 mais les iuges ne suyuent pas ces resolutions. 3 Aussi voit on que les sages femmes d'Egypte and l'hostesse Rachab receure (02) t loyer de Dieu pour auoir menti. Et tel merite d'estre pendu, qui dict la verité: comme si on cele vn homme innocent: au meurtrier qui s'en quiert de celuy qui le cherche. Aussi la solutiõ des Canonistes, qui disent, qu'Abraham ne conseilloit pas à sa femme de mentir, pour empescher qu'Abrahã ne fust tué: mais qu'il vouloit que Sara ne dist pas la verité, est bien friuole. Car mentiri est contra mentem ire, comme disoit Nigidius Figulus, and celuy qui dict autrement, qu'il ne pense, il est bien certain, qu'il ment, comme fist Abraham, Isaac, Sara, and autres infinis: Il faut donc confesser par necessité que c'est chose vertueuse, louable and necessaire de mentir pour sauuer la vie à l'innocent, and damnable de dire la verité pour le faire assassiner. C'est pourquoy Platon, and Xenophon ont permis aux magistrats de mentir pour gouuerner vn peuple ainsi qu'on faict aux malades, and aux petits enfans. Ainsi faut il faire en iustice pour auoir la verité des meschancetez cachees: Or de toutes les meschancetez du monde, il n'y en a point de plus signalee ny plus detestable que celle des Sorciers, comme nous auons monstré cy dessus. Disons donc des preuues requises pour auerer telles meschancetez. -notes- 2ca.omne gemus and si quis ad te dist. 22. q.2. and c. que ritur.eod. 3Can. vtilem q.22.q.2. Book 4 - Chapter 2 Page 435
Des preuues requises pour auerer
