loyaux sujets. Et toutesfois la poursuitte and delation fust supprimee, soit par faueur ou concussion, ou pour couurir la honte de quelques vns qui estoient, peut estre de la partie, and qu'on n'eust iamais pensé: soit pour le nombre qui se trouua, ou que la preuue ne sembloit pas assez claire, and le delateur eschappa. Au cas pareil quand l'aueugle des Quinze Vingts fust pendu à Paris auec quelques vns de ses complices, il s'en trouua pres de cent cinquante deferez: mais ceux qui furent pendus furent cõuaincus d'auoir plusieurs fois vsé de l'Hostie consacree en leurs Sorcellerie. Depuis peu à peu on a ouuert les yeux, and mesmement depuis la mort du Roy Charles neusiesme: les Iuges ne ont plus faict les difficultez que on faisoit soubs le regne de Charle neufiesme, and que iamais on n'auoit fait au parauant le Roy Henry second. De quoy s'est plaint en ses uures M. Berthelemy Faye, President des Requestes. Or il y a plusieurs moyens de proceder à la punition des Sorciers: soit par les Iuges ordinaires, soit par Commissaires. Car outre les Iuges ordinaires, il est besoing d'establir Commissaires à ceste fin, pour le moins vn ou deux en chacun gouuernement. Mais ie n'entens pas pour celà que la cognoissance soit ostee aux Iuges ordinaires d'en cognoistre, soit par preuention ou concurrence, à fin que les vns prestent la main aux autres à vn uure si Saincte. Anciennement les Iuges d'Eglise en auoyent la cognoissance priuatiuement aux Iuges lays. Et s'en trouue arrest du Parlement rendu à la poursuitte de l'Euesque de Paris mil deux cens octante deux. Comme il se Page 423
