Page:De la Démonomanie des Sorciers (1587).djvu/402

aller en voyage à Sainct Iacques: Ie ne sçaurois dict-elle aller si loing. Depuis Sathan ne cessa iamais de l'importuner, parlant familierement à elle en faisant sa besongne lors qu'elle estoit seule, luy disant ces mots, tu es bien cruelle, elle ne voudroit pas mettre les sizeaux au sein pour l'amour de moy: ce qu'elle faisoit pour le contenter, and s'en depescher: mais cela faict, il demandoit qu'elle luy donnast quelque chose, iusques à luy demander de ses cheueux, elle luy en donne vn floquet: quelques fois il voulut luy persuader qu'elle se iestast en l'eau: and tantost qu'elle s'enstranglast, luy mettant la corde d'vn puis à l'entour du col voulant l'estrangler, si elle n'eust crié. Combien que son oncle voulant vn iour la reuancher fut si bien battu, qu'il demeura au lict malade plus de quinze iours. Vne autre fois Sathan la voulut forcer, and la cognoistre charnellement, and pour la resistence qu'elle fit, elle fut battue (02) iusques à effusion de sang. Entre plusieurs qui ont veu la fille, vn nommé Chaomy, Secretaire de l'Euesque de Valance, luy dist, qu'il n'y auoit plus beau moyen de chasser l'esprit, qu'en ne luy respondant rien de ce qu'il diroit, encores qu'il commandast de prier Dieu, ce qu'il ne faict iamais si ce n'est en le blasphemant, and le conioignant tousiours auec ses creatures par irrision. Et de faict Sathan voyant que la fille ne luy respondoit, and ne faisoit chose quelconque pour luy, il la print and la ietta contre terre, and depuis elle n'a rien veu. M. Amyot Euesque d'Auxerre, and le Curé de la fille n'y auoyent sçeu remedier. Ceste recepte Page 417