appelle Behemoth, and Leuiathan: car l'escriture saincte dict, Is prima rerum origine à Deo conditus7 est: Et pour monstrer qu'il n'a pas esté crée en grace, on allegue le lieu de Iesaye8 où Dieu parle ainsi: I'ay faict and formé Sathan pour and afin de perdre, gaster, and destruire. Et pour ceste cause souuent il s'appelle Asmodæus, du mot [Hebrew omitted], qui signifie ruiner: comme Dieu parlant au peuple Hebrieu de la vengeance, qu'il deuoit pre (02) dre de tousles premiers nés d'hõmes and bestes en tout le Royaume d'Ægypte, Ie ne permetteray pas, dit-il, que le Destructeur entre en vos maisons9. Orphee l'appelle aussi le grand Dæmon vengeur: Et comme il estoit maistre Sorcier il luy chante vn hymne. Ils alleguent aussi le Psalme où il est dict: Ce grand Leuiathan que tu as formé pour trionfer de luy: Et ce qui est dict en Exode, Ie tay fait ô Pharaon, pour monstrer ma puissance en toy: ce qui s'entend (outre l'histoire literale) de Sathan, comme il dit en Ezechiel: Me voicy ton ennemy ô Pharaon grand Leuiathan, Dragon couché au milieu de tes fleuues, qui as dit: Le fleuue est à moy, and ie me suis faict, and c. Ie te feray la pasture des oyseaux du ciel. Les interpretes sont d'accord que Leuiathan, Pharaon and Behemoth signifie ce grand Ennemy du genre humain, and que le Royaume d'Ægypte signifie la chair, and la cupidité, and entendent par le flcuue, le torrent de la nature fluide, qui va tousiours coulant en corruption, qui est propre au destructeur, contraire à Dieu Createur de toutes choses. Car tout ainsi que le Createur, Pere and Generateur est necessaire pour la creation and generation, aussi est -notes- 7Iob.c. 40. and 41. 8cap.54. 9[Hebrew omitted] Page 55
