nous lisons, que l'Euesque d'Apamee faisant sa priere à Dieu, la face touchant à terre chassa le Demon qui estoit au temple de Iupiter. C'est pourquoy la Loy de Dieu6 commande expreslément de raser les Temples ou les Payens faisoyent prieres à leurs images: à fin que le nom de Dieu ny fust souillé, ny contaminé, ny prié en sorte quelconque. Et en Sainct Augustin,6 and en Sozemene7 nous lisons qu'on ne failoit rien que prier Dieu pour chasler les Demons, sans familiarizer, ny plaisanter auec eux, and sans aucunement interroger Sathan, comme il est aduenu à quelques vns en Allemaigne: lesquels mesmes ont creu aux paroles de Sathan, and les autres ont executé ses mandemens, qui est vne detestable and damnable impieté. Sainct Denis en la Hierarchie, Theod. de Sacra synaxi, escriuent qu'en la primitiue Eglise, on ne bailla iamais Hostie aux Demoniaques. Et Sainct Hierosme en la vie de Sainct Hylarion, escript que vn ieune Sorcier ne pouuant gaigner le c ur d'vne ieune fille, ietta soubs sa porte vne lame de cuyure, où il y auoit quelques characteres grauez, and tost apres la fille fut assiegee du Demon, parlant comme furieuse: and disoit le Demon, qu'il ne sortiroit point du corps de la fille, qu'on n'eust osté ceste lame. Neantmoins Hilarion defendit qu'on l'ostast and par ces seules prieres sans Hostie, ny autres adiurations, ny aucuns interrogatoires faicts aux Diables chose qu'il auoit en horreur, deliura la fille. Iehan Vier8 recite qu'il a veu vne fille Demoniaque en Allemaigne: Et sur ce qu'vn certain exorciste l'interrogeoit, -notes- 6Deut.ca.12. 6Lib. 22. de Ciuitate. 7Lib. 6. ca. 28. 8Lib. 5. cap. 14. Page 414
Sathan respondit qu'il falloit que
