Et semble que la Loy de Dieu pour l'abomination and meschanceté, ne s'est pas contentee de prohiber cela sur la vie: ains encores elle deffend d'offrir à Dieu, le loyer de la paillarde, and le pris d'vn chien en vn mesme article. Il se peut bien faire aussi que Sathan soit enuoyé de Dieu, comme il est certain que toute punition vient de luy par ses moyens ordinaires, ou sans moyen, pour vanger vne telle vilainie: comme il aduint au Monastere du Mont de Hesse en Allemaigne, que les Religieuses furent Demoniaques: and voyoit on sur leurs licts des chiens, qui attentoyent impudiquement celles qui estoient suspectes d'en auoir abusé, and commis le peché, qu'ils appellent le peché muet. Dequoy i'ay bien voulu aduertir le Lecteur, à sin qu'on prenne garde de ne forcer la volonté des ieunes silles au veu de chasteté. Mais c'est merueilles des exorcismes desquels plusieurs vsent, veu que iamais les Saincts Prophetes n'en ont vsé: and eussent eu horreur d'interroger, où de rien demander à Sathan, ny rien faire de ce qu'il commandoit: ains la presence des Saincts personnages chassoit les malings esprits, en la louange d'vn seul Dieu. Et au temps de la primitiue Eglise on faisoit venir les Demoniaques en l'assemblee, and tout le peuple prioit Dieu, comme nous lisons en Sainct Iehan Chrysostome2, and en Sainct Clement3, qui baille vne tresbelle oraison, and en Theodore Lecteur4. Nous lisons que le Roy de Perse en la primitiue Eglise, commanda de chasser les Demons: on fit prieres en l'Eglise, and les Demons estoyent chassez. Et en Theodoret5 -notes- 2Lib. de incomprehensibils Dei nati uitate. 3Lib. 8. c.32. 4Lib. 2. 5Lib. 5. Page 413
