fruict. La Sorciere s'en va, and la sage femme venuë ne trouua que l'accouchee, mais l'enfant ne s'est iamais trouué depuis. Chacun iugeoit que la Sorciere jalouse auoit enuoyé Sathan au corps de la Damoyselle, mais cela ne s'est poinct faict, que par vn secret iugement de Dieu. L'Histoire qu'on recite estre aduenuë en Loraine d'vne femme enleuee par Sathan pour auoir son fruict, approche de celle cy: mais on tient que le pere estoit Sorcier, qui auoit voué son enfant à Sathan. Et quelquefois l'appetit bestial de quelques femmes, faict croire que c'est vn Demon, comme il aduint l'an mil cinq cens soixante and six, au Diocese de Coloigne: il se trouua en vn Monastere vn chien qu'on disoit estre vn Demon qui leuoit les robbes des Religieuses pour en abuser. Ce n'estoit point vn Demon comme le croy: mais vn chien naturel. Il se trouua à Thoulouse vne femme qui en abusoit en ceste sorte. Et le chien deuant tout le monde la vouloit forcer. Elle confessa la verité, and fut bruslee. Il y en eut vne autre qui fut amenee prisonniere à Paris l'an mil cinq cens quarante, conuaincuë de mesmes cas qui n'est pas chose nouuelle: car mesmes Elian escrit que vn Citoyen Romain se cõstitua demandeur en crime d'adultere de sa femme contre vn chien. Et du temps de Louys XII. il nasquit en Bretaigne vn enfant d'vne vache qui n'auoit rien qu'vn pied qui ressemblast à la vache dont y eu procez recité par Boyer President de Bourdeaux decisione 301. mais ceste meschanceté est plus ordinaire auecles chiens. Et Sigibert dict aussi qu'il nasquit vn cochon ayant la face d'homme. Page 412
