puissance. Ce qui est bien certain, ny Sathan aussi: mais si Dieu le permect aux vns and aux autres, cela ce peut faire: and d'entrer en Conseil de Dieu c'est chose incomprehensible. Non pas que ie pense que Sathan fust enuoyé par les Iuifs: car ceux de leur Religion en seroient plustost possedez que ceux qui se font baptizer, and renonçent à leur loy. Mais au Monastere de Kentorp au costé de Marche en Allemaigne, où les Religieuses furent vexees des malings esprits d'vne façon estrange l'an M. D. LII. les Sorciers and les Dames interrogees respondirent, que c'estoit la cuisiniere du Monastere nommee Else Kame, qui le confessa, qu'elle estoit Sorciere, disant qu'clle auoit prié Sathan, and faict des Sortileges pour cest effect. Elle fut bruslee vifue auec sa mere. Ces Demoniaques estoient esleuees en l'air par chacun iour, and quelques fois à chacune heure, and retomboient sans douleur: puis elles estoient chatouillees dessous les pieds, and rioyent sans cesse: and tantost ce frappoient les vnes and les autres: Et quand il se trouuoit quelque personnage de vertu, faisant sa priere, ou parlant de Dieu serieusement, elles estoient vexees. Et si elles disoient leurs heures en Latin, and menuz Suffrages, ou qu'on leurs parlast de iouer, ou de follastrer, elles ne sentoient plus de douleur se trouuant fort allegees, and toutes rendoient vne haleine fort puante. Au mesme temps il se trouua plusieurs Demoniaques aux villes and villages prochains: qui fust cause, qu'on print plusieurs Sorcieres qui furent exceutees. Et au Monastere de Nazareth, au Diocese de Coloigne Page 410
