Page:De la Démonomanie des Sorciers (1587).djvu/393

comment les Sorciers de nostre temps ont ils encores ceste puissance de chasser soudain les malings esprits? Ie respondray ce qui à esté resolu en la Sorbonne l'an mil trois cens nonante and huict: Hæretici sunt qui putant Dæmones maleficiis cogi posse, qui se cogi fingunt. C'est à dire, que ceux là sont Heretiques qui croyent que par charmes, on puisse contraindre Sathan, qui faict beau semblant d'estre contraint. Et par ainsi quand on void les Sorciers chasser les malings esprits, ce n'est pas chasser ny forcer de sortir. Mais c'est de gré à gré: cõme nous lisons en Leon d'Afrique, que les Sorciers qu'ils appellent Muhazimin mot demy Hebrieu qui peut venir de Mescaphim, en faisant quelques cercles and characteres au front du demoniaque, apres auoir interrogé le Demon, luy cõmandent de sortir, and soudain il sort. Ce que pareillement escrit Iacques Spranger des Sorciers d'Allemaigne. En quoy faisant Sathan commence à posseder paisiblement l'ame, au lieu qu'il ne possedoit que le corps par force and violence. Et en cas pareil quand on vse de superstitions and idolatries, alors l'esprit maling s'en va, and fainct qu'il est contrainct de ce faire pour attirer les ignorans à continuer en leur idolatrie. Et en Allemaigne s'il y a quelque demoniaque ou maleficié, qui ayt suspicion de quelque Sorcier qu'il luy ayt enuoyé le maling esprit, ou donné autre malefice, les Iuges, and mesmes la chambre Imperialle faict dire ces mots à la Sorciere en presence du maleficié, Benedico tibi in nomine patris, and filij, and . spiritus sancti, in tuis bonis, sanguine and armento. Et soudain Page 408