quarante and vniesme chap. C'est pourquoy les malins esprits qu'on appelle Feuz fols la nuict apparoissans, and mesmement la nuict d'entre le Vendredy, and Samedy suyuent les eaux, and souuent font noyer les personnes pour les chasser: il faut prier Dieu la face en terre, and soudain tout s'enfuit. Ie croy bien que les creatures auec la crainte and parolle de Dieu y peuuent seruir, and sans la crainte de Dieu rien du tout. Ie mettray pour vn exemple la Musique qui est l'vne des choses qui plus a de force contre les malings esprits, comme il est escrit de Saül, que le maling esprit le laissoit tandis que Dauid touchoit sa harpe: Vray est que Dauid auoit alors le Sainct Esprit, and neantmoins il est dit, que le tourment de Saül ne cessoit sinon au son de la harpe, soit que la Musique est vne chose diuine, and que le Diable n'ayme que les discors: soit que l'harmonie conspirant auec l'ame, reduict la raison esgaree à son principe: comme les anciens ont remarqué, que la Musique guarist le corps par le moyen de l'ame, tout ainsi que la medecine guarist l'ame par le corps. Et de fait il y a vne espece de furieux en Allemaigne, qui ne guarissent sinon áu son de l'instrument, quand le Musicien accommode sa Musique au bransle des furieux: and puis il fait peu à peu, que le furieux s'accommode à la cadence du Musicien posément, and en ceste sorte il guerist le faisant reposer: on l'appelle la maladie Sainct Vitus, Nous lisons aussi que le Prophete Michee estant appellé par. Achab Roy de Samarie, and en la presence du Roy de Samarie deuant que prophetizer de l'issue de la bataille, il fit entonner vn inftrument Page 406
de Musique: alors l'esprit de Dieu le saisit and
