Page:De la Démonomanie des Sorciers (1587).djvu/390

m'en vint aduertir pour aller voir ce mystere, où ie fust deux ou trois heures sans rien apperceuoir. Quelqu'vn, lors que i'entray, dict, Dieu soit ceans: and apres auoir entendu l'histoire, dist au maistre qu'il priast Dieu de bon c ur, and puis qu'il fist la rouë d'vne espee par toute la chambre. Ce qu'il fist. Le iour suiuant la maistresse luy dist, qu'ils n'auoient depuis ouy aucun bruit, and qu'il y auoit sept iours qu'ils n'auoient reposé. Les anciennes histoires sont frequentes de tels esprits ietteurs de pierres: and mesmes Guillaume de Paris escrit que l'an M. CCCC. XLVII. il y en auoit vn à Poictiers en la parroisse sainct Paul, qui rompoit voirres and voirrieres, and frappoit à coups de pierres sans blesser personne. Encores dict on, qu'il faut en chassant les malings esprits, les enuoyer en certain lieu, cõme en l'Euangile Iesus Christ les enuoyoit aux troupeaux de pourceaux. Et en Tobie l'Ange ayant chassé le maling Esprit, le lia en la haute Egypte: où il semble que Dieu a limité non seulement la puissance, ains aussi le lieu où les malings esprits sont reclus. Et de fait Cæsarius en son Dialogue escrit, que la fille d'vn Prestre de Coloigne estãt tourmentee d'vn malin esprit Incube, deuint phrenetique. Le pere fut aduerty de faire aller sa fille par de là le Rhein, and changer de lieu. Ce qu'il fit. Le Diable par ce moyen laissa la fille: mais il batit tant le pere qu'il en mourut trois iours apres. Aussi lisons nous que les malings esprits ne sont pas si frequens dedans les villes, comme és villages: ny aux villages, comme aux lieux deserts and aquatiques, comme il est escrit en Iob Page 405