1. Page 53
tiennent qu'il y a de bons Dæmons, suyuant l'aduis des anciens Docteurs, tout ainsi que les esprits Angeliques sont tousiours estimez bons, qui est vne resolution tresbonne, and necessaire pour trancher l'excuse, and impieté de ceux qui appellent, and inuoquent les Diables soubs le voile de bons Dæmons. Et quant à l'origine des Dæmons c'est chose bien fort difficile pour l'asseurer, and de faict Platon quand il en parle au Timee, dit ainsi: [Greek omitted], c'est à dire, que le discours, and origine des Dæmons passe nostre entendement, and qu'il faut s'arrester à ce que les anciens en auoient dit. Aussi pouuons nous suiure l'opinion des anciens, qui tiennent que Dieu crea tous les esprits en grace, and sans peché, and que les vns se voulurent esleuer contre luy, qui furent precipitez. Et rapportent à ce propos la cheute du Dragon, attirant auec luy grand nombre d'Estoilles figuré en l'Apocalypse6 par le Prince des Dæmons, and ses sugets: ce que les anciens Payens ont rapporté à la Gygantomachie: Et mesmes Pherecides est de cest aduis, appellant le Dragon Ophionæum, chef des Anges rebelles, and Trismegiste in Poimandro, and le dire d'Empedocle, qui appelle les Dæmons tombez du ciel [Greek omitted]. Sainct Augustin est de cest aduis aussi au liure VIII. chapitre XXII. de la Cité: laquelle opinion pour son antiquité: and pour l'auctorité de ceux qui l'ont tenuë, est receuë des Chrestiens. Et neantmoins il semble que Dieu à crée ce grand Sathan au commencement du monde, que l'escriture -notes- 6Apoc. 12. Page 54
