Page:De la Démonomanie des Sorciers (1587).djvu/369

fait à Sathan, and non pas à Dieu. Et appellent Sathan à haute voix. A quoy se r'apporte ce que dit Apulee, parlant de Pamphile la Sorciere de Larisse, pour faire ses horribles coniurations, il dit: Deuotionibus in scrobe (02) procuratis, c'est à dire, faisant ses prieres and deuotions en vne fosse. I'ay sçeu d'vn homme digne de foy, qu'il y auoit vne vieille Sorciere fameuse, qui se leuoit presque toutes les nuicts, and l'ayant suyuie quelques fois pour l'espier, il apperceut qu'elle faisoit ses prieres à Sathan au pied d'vn arbre, mettant la teste dedans vne fosse, qui est le plus haut poinct d'adoration ou inclination qu'on peut faire, and duquel vsoient enuers Dieu les anciens au iour du grand ieusne, où ils estoient en danger, mettant la face contre terre, and les Sorciers font des fosses, inuoquant Sathan des enfers. Au lieu que le plus bel uure and le plus excellent que l'homme peut faire en ce monde, c'est de se leuer la nuict, and prier Dieu la face contre terre: and cela fait, luy chanter louange. Et à ce propos, il est dit en Iob, vous plaignez des tyrannies and afflictions, qui est celuy qui se leue la nuict, pour chanter louange à Dieu? Aussi peut-on dire qu'il n'y-a si grande impieté, que se leuer la nuict pour faire facrifice and hommage à Sathan. Les autres ne veulent pas inuoquer, n'y assister aux inuocations Diaboliques, mais ils ne font point de difficulté d'aller aux Sorciers pour auoir guarison. I'en reciteray vn exemple qui est recent, que i'ay apprins du President de Vitry le François, homme d'honneur, qui fut deputé à Bloys aux Estats l'an mil cinq cens septante sept, lors que nous auions besoin de luy, Page 384