au dixhuictiesme liure chapitre dixhuictiesme de la Cité, Iudicia Dei plurima sunt, inquit occulta: iniusta verò nulla. Il est dict au liure de Sapience que Dieu extermina les peuples sans discretiõ d'aage ny de sexe, des Amorrheans and Amalecites: car dit-il, leur semence estoit maudite, ce que ie n'allegue pas pour raison, and me contente de sçauoir que Dieu est tres-iuste. Ainsi voit on que les Sorciers n'ont pas la puissance d'offenser les meschans, si Dieu ne le permet. Comment donques pourroient-ils offenser celuy: Qui en la garde du haut Dieu Pour iamais se retire? Conclus donc en l'entendement, Dieu est ma garde seure, Ma haute tour and fondement, Sur lequel ie m'asseure, and c. Si que de nuict ne craindras point Chose qui espouuante: Ny dard, ny sagette qui poinct, De iour en l'air volante. N'aucune peste cheminant, Lors qu'en tenebres sommes: Ny mal soudain exterminant, En plein midy les hommes, Quand à la dextre il en cherroit Mille, and mille à senestre. Leur mal de toy n'approcheroit, Quel mal que puisse estre. Et tout pour auoir dit à Dieu, Page 367
Page:De la Démonomanie des Sorciers (1587).djvu/352
Cette page n’a pas encore été corrigée
