bien qu'elle soit prisonniere, peut encliner le Iuge à pitié si elle peut ietter les yeux sur luy la premiere. Et de faict le mesme autheur escrit que les Sorcieres qu'il tenoit prisonnieres, ne prioient les Geolliers d'autre chose si non qu'elles peussent voir les Iuges auparauãt qu'ils parlassent à elles. Et par ce moyen tout ceux d'e (02) tre les iuges, qui auoient esté veus, auoyent horreur de les condamner, encores qu'ils en eussent condamné plusieurs qui n'estoyent sans comparaison à beaucoup pres si coulpables. Mais bien tous demeurent d'accord que les Sorciers ne peuuent nuyre aux officiers de iustice: toutesfois plusieurs Sergens prennent les Sorcieres par derriere, and les efleuent de terre: mais les autres sans crainte les vont chercher iusques dedans leurs tanieres. C'est doncques vn merueilleux secret de Dieu, and que les iuges deuroient bien poiser, que Dieu les maintient sous sa protection, non seulement contre la puissance humaine, ains aussi contre la puissance des malings esprits. C'est pourquoy nous lisons en la loy de Dieu: Quand vous iugerez, ne craignez personne: car le Iugement est de Dieu: Et Ioram Roy de Iuda recommandant aux Iuges le deuoir de leur charge, Regardez bien, dit-il, à ce que vous iugerez, and vous suruien ne que vous exercez le iugement de Dieu. Encores en tout l'Orient les parties prennent le bout de la robe de ceux qu'ils veulent appeller deuant les Iuges sans ministere de Sergent, and disent, Allons à la Iustice de Dieu. Les anciens Hebrieux tiennent que les Anges de Dieu sont presens: and mesmes François Aluarez escrit qu'en Æthiopie Page 365
les Iuges se mettent au sieges
