decerner prise de corps contre le Sorcier, and luy faire and parfaire son procez. Car il estoit vray Sorcier, comme il fut descouuert par l'vn des Commis de Phises Secretaire d'Estat, auquel il vouloit monstrer le moyen de cognoistre les cartes sans les voir. Mais il se tournoit à toutes questions contre la muraille à l'escart, marmotant auec le Diable, and puis disoit les poincts des cartes. Ce que toutesfois plusieurs Sorciers font par l'intelligence secrette de Sathan, sans parler à luy: comme plusieurs ont veu l'Ascot des plus lignalez Sorciers de son aage: qui disoit les poincts de quartes que chacun de ceux qui estoient presens pensoit. Mais vn iour Pierre Capony, s'estant retiré de Florence en Angleterre, trompa l'Ascot, ayant dit à ceux qui l'Ascot deuoit venir voir, qu'ils dissent qu'elle carte ils prendroient au parauant que l'Ascot fust venu: ce qu'ils firent. Peu apres, l'Ascot vint pour faire ses tours, and leur dist qu'ils pensassent chacun vne carte, ils dirent qu'ils l'auoient pensé: Alors il se trouua court, and ne peut rien deuiner, iettant les cartes. Pierre Capony m'a conté l'histoire. Et pour retourner à nostre homme qui promettoit abondance: il faict bien à remarquer que Sathan vouloit faire son proffit de la fertilité and abondance des biens de l'annee M. D. LXXV III. qui a esté des plus belles qui fut dix ans auparauant, à fin que le monde ostast la fiance qu'il a en Dieu, que c'est luy qui enuoye la fertilité, and la famine: qui me faict croire que les Diables peuuent aussi par mesmes moyens, preuoyant los tempestes and famines faire croire aux Sorciers qu'ils font Page 357
