Page:De la Démonomanie des Sorciers (1587).djvu/340

fillets du Diable pour sçauoir d'auantage cõme Hermolaus Barbarus, and Georges de Plaisance, inuoquerent le Diable pour sçauoir ce que Aristote auoit entendu par le mot [Greek omitted] ainli que nous lisons en Crinitus: mais ils s'en retournerent plus ignorans. Si on dict que Sathan est sçauant pour auoir longuement vescu, ainsi que dict Sainct Augustin, comme de faict les Diables descouurent quasi ce qui se faict icy bas, and sçauent tresbien iusques au moindre peché remarquer, voire calomnier la vie des Saincts personnages: Quand i'accorderay qu'ils sçauent la vertu des plantes, des metaux, des pierres, des animaux, le mouuement and la force des Astres ce qui n'est pas: Car il est dict en Iob que la sagesse n'est poinct és oy seaux du Ciel, c'est à dire és Demons, comme quand il est dict en Salomon que s'il y a quelqu'vn qui pense mal du Roy, en son lict, les oy seaux du Ciel le raporteront: c'est à dire que s'il y a personne qui pense en son ame qui est au corps comme en vn lict, quel que chose contre Dieu, les Demons le reuelent à Dieu. Car le mot de Roy, signifie Dieu, and l'oy seau signifie le Demon: Mais le but du Diable est de nourrir les hommes en erreur and ignorance extreme, comme le seul comble de tous malheurs. C'est pourquoy ils donnent tousiours des bourdes and menteries à leurs seruiteurs, ou des parolles à double sens. C'est la façon des tyrans de nourrir les subiets en extreme ignorance and bestise, craignant sur tout qu'ils Page 355