elle voyoit vne femme richement paree de chesnet and dorures, and qui tenoit vne torche en la main pres d'vn pillier, le Portugais dist au Medecin, qu'il fist fouïr en terre dedans la caue pres du pillier and qu'il trouueroit vn tresor. Qui fut bien ayse, fut le Medecin, qui fit fouïr: mais lors qu'il esperoit trouuer le tresor, il se leua vn tourbillon de vent qui soufla la lumiere, and sortit par vn souspirail de la caue, and rompit deux toizes de creneaux qui estoient en la maison voysine, dont il tomba vne partie sur l'osteuant, and l'autre partie en la caue par le souspirail, and sur vne femme qui portoit vn cruche d'eau, qui fut rompue (02) . Depuis l'esprit ne fut ouy en sorte quelconque. Le iour suyuant le Portugais aduerty du faict, dict que l'esprit auoit emporté le tresor, and qu'il s'esmerueilloit qu'il n'auoit offencé le Medecin lequel me conta l'histoire deux iours apres, qui estoit le quinziesme Decembre M. D. LVIII. estant le ciel serain and beau, comme il est ordinaire aux iours Alcyoniens, and fut voir les creneaux de la maison voysine abattuz, and l'osteuant de la bouti que rompu. Les anciens Hebrieux ont tenu que ceux qui cachent les tresors en terre, and mesmement ceux qui sont mal acquis, souffrent la damnation and iuste peine de leur impieté pres de leurs tresors, estans priuez de la vision de Dieu: and pour ceste cause qu'il y a vne malediction en l'Ecclesiastique cõtre ceux-là qui cachent les tresors en leur ruine. Philippe Melanchthon recite vne histoire quasi semblable: qu'il y eut dix personnes à Magdebourg tuez de la ruine d'vne tour, lors qu'ils fossoyoient pour trouuer les tresors Page 351
