Page:De la Démonomanie des Sorciers (1587).djvu/334

aux Diables. Or il cõfessa qu'il ne s'estoit voué au Diable que depuis qu'il fut Archeuesque de Reims. Il faut donc conclure que toute puissance, honneur, and dignité vient de la main de Dieu: and le vray plaisir and contentement asseuré de la tranquillité de l'esprit que Dieu donne à ceux qui se fient en luy: duquel plaisir les esprits possedez de Sathan ne sentiront oncques vne estincelle, estans cruellement, and assiduellement tyrannisez en leur ame. Quand aux victoires que les Princes souhaittent tant and pour lesquelles les plus mal aduisez demandent conseil aux Diables, ie n'en parleray plus, ayant par infinis exemples faict cognoistre que le Prince qui aura inuoqué Sathan pour c'est effect il se peut asseurer de sa ruine: soit en bataille, soit en combat. Qui est pour leuer le scrupule à ceux qui cherchent curieusement si les combattans sont poinct garnis de billets ou d'espees characterisees par Magie. Et de faict nous trouuons encores le serment que faisoient noz peres entrans aux combats qui se tenant la main iuroient Dieu l'vn apres l'autre qu'ils n'auoient ny pierre, ny bref, ny herbe pour vaincre, ains par l'ayde de Dieu seul and de leur bon droict. Quelques Allemans portent des chemises coniurees auec figures de Diables: qui sont toutes impietez qui les attirent en ruine. Quant aux richesses, on sçait assez qu'il y a de grands thresors chachez, and que Sathan n'ignore pas les lieux où ils sont, comme il est tout certain. Et neantmoins il n'y eut oncques Sorcier qui gaignast vn Escu à son mestier, comme ils sont Page 349