me sembleroit du tout incroyable, si ie ne l'eusse leu és confessions and conuictions d'infinis Sorciers executez à mort. Il s'en est trouué d'autres qui au lieu d'attirer la faueur and amour de ceux qu'ils desiroient, ils les ont faict mourir ou renduz furieux, ou malades à l'extremité comme il aduint n'a pas long temps d'vn qui ietta vn billet au sein d'vne fille qui en fut à vn poinct pres de la mort, and par arrest confirmatif de la sentence du Bailly de Tours, son procez luy à esté faict extraordinairement. Icy dira quelcun, que depuis Syluestre second, iusques à Gregoire septiesme inclusiuement, tous les Pape ont esté Sorciers, comme nous lisons en Naucler and Platine. A quoy ie respond que le Cardinal Benon, qui a remarqué les Papes Sorciers, n'en trouue que cinq, à sçauoir Syluestre second, Benoist neufiesme, Iean vintiesme, and vint vniesme, and Gregoire septiesme. Encores de tous ceux la, Augustin Onophre chambrier du Pape, qui a receuilly diligemment du Vatican, and des anciens registres l'histoire des Papes, n'en mect que deux, à sçauoir Syluestre second, and Benoist neufiesme: Et toutesfois Benoist fust chassé du siege, auquel il estoit paruenu par la faueur de deux oncles Papes. Et quant à Syluestre, qui s'appelloit Gilbert, c'estoit vn moyne de Fleury sur Loyre, qui auoit si bien estudié en sa ieunesse, qu'il fust Pedagoge de Robert Roy de France, de Lothaire Duc, and d'Othon troisiesme Empereur, qui le firent Pape, and non pas Sathan, comme pensent ses miserables Sorciers: and neantmoins Syluestre se repentit suppliant à la fin de ses iours, qu'on luy coupast la langue Page 348
and les mains, qui auoient sacrifié
