seulement ceux que Dieu permet par son iugement secret, soient bons ou mauuais, pourchastier les vns, and sonder les autres: afin de multiplier en ses esleuz sa benediction, les ayans trouuez fermes and cõstans. Et neantmoins pour mõstrer que les Sorciers par leurs mau dites execrations, and sacrifices detestables, sont ministres de la vengeance de Dieu, prestãs la main and la volõté à Sathan, ie reciteray vne histoire estrãge publiee, and dõt la memoire est rece (02) te. Au Duché de Cleues, pres du bourg d'Elten, sur le grand chemin, les hommes à pied and à cheual esloient frappez and batus, and les charrettes versees, and ne se voyoit autre chose qu'vne main qu'on appelloit Ekerken. En fin ont print vne Sorciere, qui s'appelloit Sybille Diuscops, qui demeuroit és enuirons de ce pays-là. Et depuis qu'elle fut bruslee on n'y a rien veu: Ce fut l'an M. D. XXXV. Et par ainsi nous pouuons conclurre que les Sorciers vsans de leur mestier à l'ayde de Sathan, peuuent faire beaucoup de mal par vne iuste permission de Dieu, qui s'en sert cõme de bourreaux: car tousiours la sagesse and Iustice de Dieu fait bien ce que l'homme fait mal: Et neãtmoins on void que les Sorciers ne peuuent oster que les maladies aduenuës par leur faict, and ne les ostent iamais qu'ils ne blessent and vlcerent l'ame, ou qu'ils ne facent vn autre mal. Nous dirons tantost s'il est licite d'auoir recours à eux pour auoir santé: Mais disons aussi s'ils peuuent auoir la faueur, and la beauté, tant desiree des laides femmes, and les plaisirs, honneurs, and richesses, pour lesquelles les hommes se precipitent bien souuent en ruine. Book 3 - Chapter 3 Page 343
