Page:De la Démonomanie des Sorciers (1587).djvu/322

ny quelquesfois eux-mesmes, and pour certain exemple ie mettray Ieanne Haruillier, qui fut bruslee viue, comme i'ay dit cy dessus. Elle cõfessa qu'elle auoit ietté le sort pour faire mourir vn homme qui auoit batu sa fille, and qu'vn autre passa par dessus, le quel soudain and au mesme instant se sentit frappé aux reins, and par tout le corps: and sur ce, qu'on luy dist, que c'estoit elle qui l'auoit ensorcelé par ce qu'elle auoit le bruit d'estre telle, elle promist le guarir, and se mist à le garder: elle confessa qu'elle auoit prié le Diable, and vsé de plusieurs moyens qu'il n'est besoin d'escrire pour le guarir, and neantmoins que Sathan auoit fait response, qu'il estoit impossible. Alors elle luy dit, qu'il ne vint donc plus à elle. Et que le Diable luy fit response, qu'il ne viendroit plus. Bien tost apres le malade mourut, and la Sorciere s'alla cacher, mais elle fut trouuee. De ce poinct ie cõclus qu'il n'est pas en la puissance des Sorciers de guarir tousiours ceux qui sõt malades par malefices, veu qu'ils ne peuuent pas guarir tousiours ceux là qu'ils ont eux-mesmes ensorcelez. En secõd lieu, on tient que si les Sorciers guarissent vn homme malesicié, il faut qu'ils donne (02) t le sort à vn autre. Cela est vulgaire par la confession de plusieurs Sorciers. Et de fait, i'ay veu vn Sorcier d'Auuergne, prisonnier à Paris l'an M.D.LXIX. qui guarissoit les cheuaux and les hommes quelques-fois: and fut trouué saisi d'vn grand liure plein de poils de cheuaux, vaches, and d'autres bestes de toutes couleurs: and quand il auoit ietté le Sort pour faire mourir quelque cheual, on venoit à luy, and le guarissoit, en luy apportant du poil de Page 337