and luy demanda comme il s'appelloit. Et apres auoit sçeu son nom, il luy dist, fiez vous en moy que vous estes gueri. I'estois alors en sa chambre. Et par ce que ie me pris à sous-rire, comme aussi fist le Feure medecin tres-docte, oyant ce nouueau sainct rempli de miracles, Non dit-il, ie gage cent escus à qui voudra, qu'il est guery. Apres qu'il fust party ie dis à l'Euesque de Langres que c'estoit la façon ordinaire des Sorciers d'attraire la fiance des hommes pour les destourner de se fier en Dieu, and de rapporter à sa louange tout le bien and le mal qui nous aduient. L'Euesque ne laissa pas de continuer en sa fieure, qui luy dura deux ans entiers. L'homme voyant les accez de fieure continuer, dist en rougissant, qu'il auoit autãt fait pour l'Euesque qu'il fist iamais pour homme du monde: mais il ne disoit pas ce qu'il auoit fait. Il y en a qui ont remarqué de toute antiquité que les malings esprits s'efforcent plus de faire mal en certain temps, and principalement apparoissent la nuict plustost que le iour: and la nuict d'entre le Vendredy and Samedy plustost que des autres iours, comme Lauatier liure 1. chap. 8. a recueilly des Anciens. Aquoy ie n'auois iamais pris garde, mais depuis i'ay obserué ce que le mesme autheur à remarqué que ceux qui lisent le Grimoire, ausquels Sathan apparoist, le lisent la nuict d'entre le Vendredy and Samedy: and si ay leu en vn liure imprimé auec priuilege vne recepte Demoniaque, pour offenser ou tuer le larron auec certains mots, and charmes que ie ne mettray point and ne nommeray poinct l'Autheur, qui merite le feu: mais il est dict que cela ce doit faire le Samedy matin Page 329
