mesme cestuy cy que tu fais ie te feray riche and te vengeray de tous tes ennemis. Ce qu'il promist de faire. O il se faut bien garder d'escouter ceux qui preschent que ce n'est que illusion, ce qu'on dict des Sorciers, comme preschoit ce Docteur Sorcier, duquel nous auons parlé cy dessus, qui cõfessa que le Diable l'auoit instruit à prescher ainsi. Et tout ainsi que Dieu enuoye les pestes, guerres, and famines par le ministere des malins esprits, executeurs de sa Iustice, aussi faict il des Sorciers, and principalement quand le nom de Dieu est blasphemé, comme il est à present par tout, and auec telle impunité and licence, que les petis enfans en font mestier. Or toutes les meschancetez, parricides, incestes, empoisonnemens, meurtres, adulteres, ne sont pas si grands, ny tant punissables à beaucoup pres, que les blasphemes, comme les Theologiens demeurent d'accord.G1 Car les autres meschancetez sont premierement contre les hommes, comme disoit Samuel, mais les blasphemes sont directement contre l'honneur de Dieu, and en despit de luy. Car c'est le mot ordinaire duquel on vse. Et d'autãt que ceste impieté la regnoit du temps de Charles 9. plus que iamais, le Roy Henry troisiesme à sa venuë fist vn Edict tressainct contre les blasphemeurs, mais l'execution en a esté mesprisee au grand des honneur de Dieu and impunité des blasphemeurs: ausquels il ne suffit pas d'auoir audaciensement renié Dieu, s'ils n'adiouste (02) t que c'est de bon c ur and s'en trouue encores qui blaspheme en rime, cõme vn nommé Boursier de Troye en Champaigne. Il fut prins blasphemant le Vendredy Sainct l'an mil cinq -notes- G1Samuel. 2.ca. Page 322
