en l'air, qui sont engendrees de corruption, and qui attirent le venin de la terre, and l'infection de l'air: Mais la terre bien cultiuce, l'air purifié, les arbres nettoyez ne sont pas tant subiects à ceste infection: and si on laisse peupler la vermine, elle n'attire pas, ains elle engendre la corruption and infecte tout. Ainsi le peuple est tresheureux qui a de sages Gouuerneurs, de bons magistrats, and sur tout de bons pasteurs, qui le sçachent bien instruire: alors les malings esprits ny feront pas long seiour: Aussi faut il quand on est seul au lict, ou en chemin fasché, ou comme desesperé, ou irrité tourner sa pensee à Dieu, car c'est lors que le Diable se presente, ou du moins se glisse en l'esprit des hommes, and les induit à se precipiter, ou faire quelque meschanceté: comme les Theologiens demeurent d'accord. Et de faict i'ay remarqué au proces de Ieanne Bonnet, and d'Abel de la Ruë condamnez à mort par M. Nicolas quatre solz, Lieutenant du Bailly de Colomiers, l'an M. D. LXXIX. and M. D. LXXXII. Et par le proces de Robert Oliue condamné à mort par le Iuge de Falaize, l'an M. CCCCLVI. and de plusieurs autres in malleo maleficarum, que le Diable les voyans en fascherie grande and seuls, se presenta à eux pour les ruiner. Car ce dernier estant trauaillé de tailles par ses voisins and seul couché en son lict, il appella le Diable à son ayde, qui soudain respondit, auquel ledict Oliue dist qu'il desiroit se vãger de ses ennemis. Alors le Diable d'vne voix enrouee luy respond (apres auoir fait vn fort grand bruit cõme de tõnerre) par ces mots: Ie suis le Diable Grisopole. Si tu veux me seruir and iamais ne confesser tes pechez Page 321
