Page:De la Démonomanie des Sorciers (1587).djvu/304

Il parle de la Magie and Sorcellerie. Or iamais Sathan ne faut à donner loyer aux siens tels qu'ils meritent, and les induire à toutes les cruautez, incestes and parricides qu'il peut, tel que fut Neron. Car les Sorciers and Diables luy faisoient entendre, qu'il failloit faire beaucoup de tels homicides, cruautez and parricides, pour viure en seureté de son estat: ce que les Sorciers conseillent encores à plusieurs Princes de procurer meurtres and cruautez, and donner graces de toutes meschancetez. Mais ordinaireme (02) t les Sorciers sont chastiez par les Princes, qui leur demandent conseil: craignans qu'ils parlent trop, ou pour essayer si leurs diuinations sont veritables: cõme fist Domitian au Sorcier Ascletarion, qui auoit predict à l'Lmpereur qu'il seroit tué bien tost. L'Empereur luy demanda de quelle mort deuoit mourir Ascletarion. Il respondit qu'il seroit vn iour mangé des chiens: soudain l'Empereur le fist tuer: and fut mangé des chiens apres sa mort, ce qui espouuanta bien fort Domitian. Vn autre Sorcier de Tibere en vsa plus finement: Car cõme Tibere l'eust mené en vn precipice haut and glissant, il demanda au Sorcier s'il sçauoit bien quand il mouroit: le Sorcier respondit qu'il estoit au plus grand danger de sa vie qu'il auoit iamais esté: car Tibere auoit deliberé de le faire precipiter soudain, s'il eust autrement respondu, comme dict Suetone. Et quoy qu'il en soit, on à veu souuent que les Sorciers ont predict and asseuré le iour de leur mort, and la façon. Il y en a mil exemples, mais ie n'en trouue poinct de plus recent, and qui soit aduenu plus pres d'icy que d'vn Sorcier Page 319