de Cæsar. Et qui voudra diligemment considerer le chapitre quarante and vniesme de Iob, and discuter les allegories des proprietez de Behemoth, and de Leuiathan, que tous interpretent les ennemis du genre humain, du corps and de l'ame, il pourra descouurir de beaux secrets touchãt la proprieté des esprits malings. Il est dit que la force de Behemoth est en ses reins, en son ventre, and en sa queuë: qui signifie la cupidité and partie bestiale, qui pour ceste cause s'appelle Behemit. Et comme les anciens Hebrieux disoient que Sathan a la puissance des voluptez bestiales. Puis il est dict que Dieu qu'il a faict, le frappe de son cousteau, qui est sa Parolle: and qu'il est veautré entre les marescages, qui signifie les vices and immondicitez, ausquelles Sathan se delecte. Puis il est dict que les montaignes, qui signifient en l'Escriture, les Princes arrogans and hommes superbes luy donnent pasture. Et à vray dire, c'est le plus ordinaire gibbier de Sathan: Et n'y à rien plus ordinaire en la Court des meschans Princes que les troupeaux de Sorciers and de Sorcieres. Car c'est, dit Salomon, au Palais des Roys que les arraignes tendent leurs fillets. Par les arraignes bestes tres-venimeuses, il entend les Diables. Il est dict aussi qu'il s'esgaye soubs les arbres feuilleus, and aux sausayes. Or en l'Escriture les arbres feuilleus signifient les hipocrites, qui n'ont rien que la mine: and les sausayes qui ne portent aucun fruict. Et toutesfois il est dict qu'il a la veuë hebetee, pour monstrer que la Prophetie veritable n'est poinct és oracles de Sathan: c'est pourquoy le Prophete Baleham benissant le peuple de Dieu disoit, O peuple heureux Page 317
