quand il dit que le Deuin qui aura dit de quelcun qu'il a desrobé la chose perduë, il ne sera pas quitte pour vne action d'iniure, mais il sera puny selõ les Ordonnances qui lors estoient ja faictes contre les Diuins. Et jaçoit qu'il y eut vne Sorciere nommee Marthe du temps de Marius, qui promettoit victoire sur les ennemis par les moyens qu'elle disoit sçauoir: si est ce que le Senat ne voulut pas qu'elle fut employee en vn tel cas, comme nous lisons en Dion. Et les Perses qui estoient plus infectez de ceste vermine, en fin vserent contre les Sorciers des supplices les plus cruels, rompans la teste des Sorciers entre deux pierres, comme dict Plutarque. Mais la publication de la Loy Diuine à bien fort diminué la puissance de Sathan, and les peuples qui ont longuement demeuré, ou qui sont encores Payans, ont aussi fort long temps esté, and sont encores fort trauaillez des malings Esprits iour and nuict, comme au pays de Noruegue, Finslandie, Pilapie and autres regions Septentrionales, and aux Isles Occidentales, comme on peut voir en l'histoire d'Olaus le grand and en l'histoire des Indes, mesmement au païs du Brezil and autres pays circonuoisins, où ils sacrifient encores, and mangent les hommes. C'est chose estrange, dict l'histoire, comme ils sont tourmentez en toutes sortes des malings esprits and n'ont trouué moyen de les appaiser que en enterrant les morts soubs latre de la maison. Et au parauãt que Charles le Grand eust osté d'Allemaigne le Paganisme, elle estoit remplie de Sorciers, comme on peut voir aux Loix Saliques, and aux chapitres de Charlemaigne, and aux Commentaires Page 316
