LES MOYENS LICITES D'OBVIER AVX SORCELERIES. LIVRE TROISIESME. Des moyens licites pour obuier aux Sorceleries. CHAPITRE PREMIER. Les Histoires nous apprennent que les Sorcelleries ne sont pas nouuelles maladies, ains au contraire qu'il y en auoit anciennement cent pour vn, encores qu'il y en ayt beaucoup à present. Car nous voyons en la Loy de Dieu, qui est publiee, il y a enuiron trois mille cent cinquante ans, que la Chaldee, l'Egypte, la Palestine en estoient infectees, and par les plus anciennes histoires on void que le pays de l'Asie Mineur, la Grece, l'Italie, qui n'estoient encores qu'à demy peuplez, estoient ja remplis de ceste vermine. Nous voyons les defences and peines rigoureuses ordonnees par la loy de Dieu contre les Sorciers, and les meschancetez execrables, pour lesquelles la fureur de Dieu s'embraza, pour extirper de la terre les Cananeans: non pas pour les idolatries, ou autres pechez qui estoient alors communs à tous les autres peuples: mais il est expressement2 -notes- 2Deuter.18. Page 313
