tels Sorciers, qu'on appelloit Archers, ne se trouuent plus en Allemaigne, depuis, que ceux qui les tirent ne croyent pas que le crucifix soit Dieu, ou qu'il ayt quelque diuinité en luy pour l'adorer, c'est à dire s'encliner deuant luy: comme ils faisoient au parauant que la religion eust changé. On peut aussi douter pourquoy les Sorciers de nostre temps ne peuuent faire les tours de passe passe, and les faicts estranges que faisoit vn Simon le Magicien, vn Appollonius de Thyane, vne Circe, vne Medee and autres Sorciers illustres. Il me semble qu'il y a double raison: la premiere que i'ay leu par vn procez de Senlis, que celà se faict selon le marché qu'on a auec Sathan, and à qui le seruira mieux, and qui fera plus d'estranges meschancetez: l'autre que Dieu ne donne pas telle puissance à Sathan sur les peuples qui le cognoissent, que sur les payans. Nous auons dict au premier liure des moyens diuins, naturels, and humains de preuoir and preuenir les choses futures, and qui sont permis and licites: Au second liure nous auons traicté des moyens illicites and deffendus par la Loy de Dieu: disons maintenant les moyens licites d'obuier aux Sorceleries, and d'y remedier quand le mal est cogneu. Book 3 - Chapter 1 Page 312
