leurs ennemis, and qui les picquent, and poignent s'estãt premierement vouez à Sathan, and renoncé à Dieu, and faict les horribles sacrifices qu'ils ont de coustume: par ce moyen font mourir leurs ennemis, si Dieu le permect: ce qu'il ne faict pas souuent: car de cent peut estre, qu'il n'y en aura pas deux offensez, comme il s'est cogneu par les confessions des Sorciers, toutesfois ce n'est autre chose qu'vn homicide executé par le Diable, and par les prieres du Sorcier: comme nous lisons que le procez d'Enguerrand de Marigny fut en partie fondé sur ce poinct, and vn autre du temps du Roy François 1. en la ville d'Alençon, qui fut bien aueré, and qui est au loing recité aux comptes de la Royne de Nauarre: non pas pour compte, mais pour vraye histoire, and les poursuites qui en furent faictes. Et l'an M. D. LXXIIII. au procez imprimé, qui fut fait à vn certain Gentil-homme, qui fut decapité à Paris, il fut trouué saisy d'vn image de cire ayant la teste and le cueur percé auec d'autre characteres, qui fut peut estre l'vne des principalles causes de sa mort. Par ce que ceux qui le firent prendre auoient des Sorciers qui s'accusoient les vns les autres, and sçauoient du Diable toutes les meschancetez qui en auertirent ceux à qui celà touchoit. Et de plus fraiche memoire au mois de Septembre dernier, mil cinq cens septante huict, l'Ambassadeur d'Angleterre, and plusieurs François dõnerent aduis en France, qu'on auoit retrouué trois images de cire, ou le nom de la Royne d'Angleterre and d'autres estoient escrits, dedans vn fumier, and disoit on que le Curé d'vn village qui s'appelle Islinkton Page 309
à demie lieuë de Londre les auoit faictes.
