Page:De la Démonomanie des Sorciers (1587).djvu/293

le Diable luy demanda ce qu'elle vouloit qu'il fist à celuy qui l'auoit iniuriee: Elle fist response que elle voudroit qu'il eust tousiours la face enflee. Tost apres le laboureur fut frappé d'vne ladrerie incurable, and confessa au Iuge, qu'elle ne pensoit pas que le Diable le deust rendre ladre, qui est bien pour monstrer que ce n'est pas par le moyen des poudres, mais par le moyen du Diable qui faict tout celà, s'accommodant au vouloir de ceux qui l'emploient, comme si quelqu'vn faisoit tuer son ennemy par son compagnon: mais Sathan veut que ses seruiteurs le prient de ce faire, and qu'ils mettent la main à l' uure, qu'ils touchent la personne, qu'ils ayent de son poil ou de ses ongles, ou qu'on prenne de luy certaines poudres pour enfermer és os d'vn homme, and les mettre soubs les voutes, ou bien aux quarrefours. Mais sans la paction auec Sathan, quand vn homme auroit toutes les poudres, caracteres, and parolles de Sorcieres, il ne sçauroit faire mourir ny homme ny beste. Et iaçoit que le Diable puisse faire mourir les animaux par la permission diuine, si est ce qu'en matiere de Sorciers, il veut qu'ils prestent leur consentement, and qu'ils mettent la main à l' uure. Soit pour exemple ce que dict Spranger, qu'il à faict le procez à vne Sorciere, qui auoit faict mourir vingt and trois cheuaux à vn marchand de Rauenspurg: elle dict qu'elle n'auoit faict autre chose que vne fosse, dedans laquelle le Diable auoit mis quelques poudres soubs l'essueil de la porte: qui estoit mettre la main à l' uure: comme en cas pareil ceux qui font les images de cire de Page 308