Il est tout notoire, que tous les plus grandes Sorcieres font quelquesfois mourir en soufflant au visage, comme Daneau a bien remarqué en son petit Dialogue: mais ie n'approuue pas que c'est par le moyen des poisons qu'elles ont en la bouche; comme dit Daneau. Car les Sorcieres en mourroient les premietes, qui est vn argument auquel ie ne voy point de response, and qui peut seruir contre vn certain personnage Italien, qu'on dict auoir esté des plus grands empoisonneurs de son aage, ce que ie ne puis croire, quoy qu'on die, qu'il a fourny des grands parfums à plusieurs personnes, qui mouroient apres les auoir sentis, car il feust mort tout le premier, veu qu'il faisoit les senteurs, si le Diable n'eust tué ceux qu'il auoit chargé par vne iuste permission diuine, de tuer par le moyen de ce Sorcier, qu'on appelloit Empoisonneur, duquel Dieu a exterminé la race bien tost apres sa mort par supplices publiques. Et mesmes au procés des Sorcieres soubs Valery en Sauoye, imprimé, il se trouue qu'en iettant de la poudre sur les plantes, soudain elles mouroient. Et au mesme procés imprimé au liure de Daneau l'an M. D. LXXIX. vne ieune Sorciere qui auoit esté seduite par sa mere, confessa que son pere, Sorcier, luy auoit baillé d'vne racine, laquelle elle mettoit en sa bouche, and souffloit contre celuy qu'elle vouloit faire mourir, and mouroit soudain: en quoy il appert que ce n'estoit pas la racine qui ne fut onc de telle puissance, ains le Diable: car la Sorciere fust sans cõparaison, plus tostmorte: c'est pourquoy iene puis estre de l'aduis de Loubert Medecin qui escrit qu'il y a des poisõs sisubtiles, Page 305
