Page:De la Démonomanie des Sorciers (1587).djvu/276

les premiers nais à Sathan, comme escrit Ezechiel chap. XX. les autres les dedient du ventre de la mere, comme il aduint l'an M. D. LXXV. que vn Gentil-homme Allemand se despitant contre sa femme dist, qu'elle enfanteroit vn Diable. Elle fist vn monstre hideux à voir, aussi estoit il en reputation d'estre vn grand Sorcier. Et au pays de Valoys, and de Picardie, il y-a vne sorte de Sorcieres, qu'ils appellent Coche-mares, and de fait Nicolas Noblet riche laboureur, demeurant à Haute-fontaine en Valoys m'a dict que luy estant ieune garson, il sentoit souuent la nuict tels Incubes, ou Ephialtes, qu'il appelloit Coche-mares, and le iour suyuant au matin, la vieille Sorciere qu'il craignoit, ne failloit point à venir querir du feu, ou autre chose, quand la nuict cela luy estoit aduenu. Et au reste le plus sain and dispos qu'il est possible. Et non pas luy seul, mais plusieurs autres l'afferment. Aussi nous lisons vne semblable histoire au liure huitiéme de l'histoire d'Escosse, estant quelqu'vn toutes les nuicts opprimé d'vne Sorciere, en sorte qu'il ne pouuoit crier, ny s'en depestrer, en fin il en fut deliuré par prieres, and oraisons. Ie mettrois infinis autres exemples, mais il semble qu'il suffist pour demonstrer que telles copulations ne sont pas illusions, ny maladies. Toutesfois ie mettray encores vne histoire à ce propos, que Pausanias in Phocaicis, recite que les Candiots auoient de Manes, qu'ils appelloie (02) t Cathecanes, qui retournoie (02) t des corps enseuelis, au sepulchres coucher auec leurs vefues, and que l'ordonnance du pays vouloit, quand cela estoit aueré, qu'on perçast la teste du mort d'vn Book 2 - Chapter 8 Page 291