plus fresche memoire aduenuë en Allemagne, au monastere de Nazareth, Diocese de Coulongne, où il se trouua vne ieune Religieuse nommee Gertrude, aagee de XIIII. ans laquelle confessa à ses compagnes, que Sathan toutes les nuicts venoit coucher auecques elle. Les autres en voulurent faire preuue, and se trouuerent saisies des malins esprits. Mais quand à la premiere, Iean Vier, qui escrit l'histoire, dit qu'en presence de plusieurs personnages de nom, estant au monastere le XXV. iour de May M. D. LXV. on trouua au coffre de Gertrude vne lettre d'amour, escrite à son Demon. I'en trouue vne autre histoire au Iardin des fleurs d'Antoine de Turquemede Espaignol, qui merite d'estre traduit d'Espaignol en François, d'vne Damoyselle Espaignole, qui confessa aussi auoir eu copulation auec vn Demon, estant attiree à l'aage de dixhuict ans par vne vieille Sorciere, and fut bruslee toute viue sans repentance. Celle-là estoit de Cerdene. Il en met encores vn autre qui se repentit, and fut mise en vn monastere. Maistre Adam Martin Procureur au siege de Laon, m'a dict auoir faict le procez à la Sorciere de Bieure, qui est à deux lieuës de la ville de Laon, en la iustice du Seigneur de la Boue, Bailly de Vermandois, l'an M.D. LVI. qui fut condamnee à estre estranglee, puis bruslee: and qui neanimoins fut bruslee vifue par la faute du bourreau, ou pour mieux dire, par le iuste iugement de Dieu, qui fist congnoistre qu'il faut decerner la peine selon la grãdeur du forfaict, and qu'il n'y a point de meschanceté plus digne du feu: Elle confessa que Sathan, qu'elle appelloit son compagnon, Page 289
