Page:De la Démonomanie des Sorciers (1587).djvu/273

fut bruslé tout vif. Et si escrit auoir veu encores vn autre Prestre aagé de LXX. ans, qui cõfessa aussi auoir eu semblable copulation plus de cinquãte ans auec vn Demon en guise de femme, qui fut aussi bruslé. Et de plus fraische memoire l'an 1545. Magdeleine de la Croix, natiue de Cordouë en Espaigne, Abbesse d'vn Monastere, se voyant en suspicion des Religieuses d'estre Sorciere, and craignant le feu, si elle estoit accusee, voulut preuenir, pour obtenir pardon du Pape, and confessa que dés l'aage de douze ans vn malin esprit en forme d'vn More noir, la solicita de son honneur, auquel elle consentit, and continua XXX. ans and plus, couchant ordinairement auec luy: par le moyen duquel estãt dedans l'Eglise, elle estoit esleuee en haut, comme Porphire dit de Iamblique, lors qu'il portoit l'idole de son Dieu: and quand les Religieuses communioient, apres la consecration, l'hostie venoit en l'air iusques à elle au veu des autres Religieuses, qui la tenoie (02) t pour saincte, and le Prestre aussi, qui trouuoit alors faute d'vne hostie, and quelques-fois aussi la muraille s'entrouuroit pour luy faire voir l'hostie. Elle obtint pardon du Pape Paul III. estant repentie comme elle disoit. Mais i'ay opinion qu'elle estoit dediee à Sathan par ses parens dés le ventre de sa mere. Car elle confessa que dés l'aage de six ans Sathan luy apparut, qui est l'aage de cognoissance aux filles, and la solicita à douze, qui est l'aage de puberté aux filles, cõme nous auons dict, que Ieanne Heruillier confessa le semblable, and en mesme aage. Ceste histoire a esté publiee en toute la Chrestienté. Nous lisons vne autre histoire de Page 288