incroyable ce qu'il escrit de Lycaon Roy d'Arcadie qu'il dict auoir esté changé en Loup. Territus ipse fugit, nactúsque silentia ruris, Exululat, frustráque loqui conatur. Puisque de nostre aage il c'est trouué vn Roy qui estoit ainsi changé, and que cela est encores ordinaire par tout: Et ce que dict Homere de la Sorciere Circe, qui changea les compagnons d'Vlysses en pourceaux n'est pas fable: car mesmes S. Augustin 5 aux liures de la Cité de Dieu recite la mesme histoire, encores que cela luy semble estrãge, and incroyable, and allegue aussi l'histoire des Arcades: Et dict qu'il estoit tout commun de son temps és Alpes qu'il y auoit des femmes Sorcieres, lesquelles en faisant manger certain formage aux passans, les changeoie (02) t en bestes pour porter les fardeaux puis apres les rechangeoient en hommes: nous lisons vne histoire du tout semblable en Guillaume Archeuesque de Tyr, qui recite la mesme histoire, que Sprãger Inquisiteur, qu'il y auoit en Cypre vne Sorciere qui mua vn ieune soldat Anglois en forme d'Asne, lequel voulant retourner à ses compagnons dedans le nauire fut chassé à coups de bastõ, and s'en retourna à la Sorciere, qui s'e (02) seruit iusques à ce qu'õ apperceust que l'asne s'agenouilla de dans vne Eglise faisans choses qui ne pouuoie (02) t partir d'vne beste irraisõnable, and par suspiciõ la Sorciere qui le suyuoit, estãt prise par iustice elle le restitua en figure humaine trois ans apres, and fut executee à mort. Nous lisons le semblable d'Ammonius Philosophe Peripateticien, qui auoit ordinairement à sa leçon vn Asne. Or il n'y a rien plus frequent en -notes- 5lib.18.c. 17. and 18. de ci. Page 271
