Page:De la Démonomanie des Sorciers (1587).djvu/252

a pas long temps, souuent estoit mué en Loup, and qui estoit en reputation d'estre l'vn des plus grands Sorciers du monde. Toutesfois la Grece, and l'Asie est encores plus infectee de ceste peste, que non pas les peuples d'Occident, comme noz marchans disent, qu'on est contrainct d'enferrer, and emprisonner ceux qui changent ainsi en Loups. Et de faict l'an M. D. XLII. soubs l'Empire de Sultan Suleyman, il se trouua si grande quantité de Loups garous en la ville de Cõstantinople, que l'Empereur accompagné de sa garde sortit en armes, and enrangea cent cinquante, qui disparurent de la ville de Constantinople, à la veuë de tout le peuple. L'histoire est recitee par Iob Fincel liure 2. des Merueilles, and en cecy tous les autres peuples en demeurent d'accord. Les Allemans les appellent Wer Wolf, and les François Loups garous, les Picards Loups varous, comme qui diroit, Lupos varios, car les François mettentg, pour v. Les Grecs les appelloient Lycanthropes,1 and Mormolycies: Les Latins les appelloient varios, and versipelles, comme Pline2 à noté parlant de ce changement de Loups en hommes. François Ph bus Comte de Foix, en son liure de la Chasse dict que ce mot Garoux, veux dire gardez vous: dequoy le President Fauchet m'à aduerty. Ce qui est bien vray semblable, car les autres Loups naturels courent apres les bestes, and ceux cy plus souuent apres les hommes: c'est pourquoy on peut dire, gardez vous. Pomponatius and Theopraste Paracelse, tiennent que la transmutation est tres-certaine d'hommes en bestes. Gaspar Peucerus -notes- 1[Greek omitted] 2Lib. 8. cap. 22. Page 267