precedent enterré vne femme, and luy coupa vne cuisse, and l'emporta sur ses espaules mordant à belles dents en la chair d'icelle. Ie tiens l'histoire de l'vn des disciples de Rondelet qui l'accompaigna. Il disoit que c'estoit la maladie, qu'on appelle Lycanthropie, qui faict que les hommes deuiennent furieux, and cuident estre changez en Loups, and viuent de telle viande. Disons donc, s'il est possible, que les hommes soyent conuertis en Loups, and auties bestes veritablement, ou par fantasie ou par maladie. De la Lycanthropie and si le Diable peut changer les hommes en bestes. CHAP. VI. Novs auons monstré cy dessus par plusieurs exemples, and authoritez diuines, and humaines, and par les accusations, conuictions, confessions, iugemens, executions, que les hommes, and femmes sont transportez tantost en esprit, and en corps, tantost en esprit seulement par moyens Diaboliques. Et que Sathan faict croire aux vns que c'est la force des parolles, and des vnguents qu'il leur baille: Et que le plus souuent il apparoist en Bouc: En sorte que nous pouuons dire que nous auons la demonstration des effects, qu'on appelle, Quia est, c'est à dire [Greek omitted] qu'il est ainsi. Et combien que telle demonstration par les effects n'est pas si claire, que celle qui procede par les causes, si n'est elle pas moins certaine. 1 Or la confession de nostre ignorance, est vne belle louange de Dieu -notes- 1In posterio. Analyticus. Page 260
