Page:De la Démonomanie des Sorciers (1587).djvu/239

à grands coups de verge, and pour sçauoir si elle estoit morte, on luy fist mettre le feu aux parties les plus sensibles pour tout celà elle ne s'esueille poinct. Et de faict le maistre and la maistresse la laisferent estenduë en la place, pensant qu'elle fust morte. Au matin elle se trouue en son lict couchce. Dequoy son maistre esbahy, luy demanda ce qu'elle auoit eu: Alors elle s'escria en son language: Ha mon maistre tant m'auez batuë: Le maistre ayant faict le conte à ses voysins, on luy dist que elle estoit Sorciere: Il ne cessa qu'elle ne luy eust confesse la verité, and qu'elle auoit esté de son esprit en l'assemblee des Sorciers: Elle confessa aussi plusieurs meschancetez, qu'elles auoit commises, and fut bruslee. Iacques Spranger Inquisiteur ayant faict le procez à plusieurs Sorcieres, escrit qu'elles ont confessé, qu'elles sont rauies en esprit, quand elles veulent: and quand elles veulent, elles sont rauies aussi en corps. Nous auons encores vn exemple de nostre memoire aduenu à Bouideaux l'an M. D. LXXI. alors qu'on persecuta les Sorciers en France: il y eut vne vieille Sorciere à Bourdeaux qui confessa deuant les Iuges qu'elle estoit toutes les semaines transportee auec les autres, où il se trouuoit vn grand Bouc qui leur faisoit renier Dieu, and promettre de seruir au Diable, and puis chacun le baisoit aux parties honteuses: and apres les danses chacun prenoit des poudres. Alors Belot, maistre des Requestes, voulant faire preuue de la verité par la Sorciere, qui disoit n'auoir aucune puissance, si elle ne estoit hors la prison, la fist sortir à la charge de la representer Page 254