Crotone pres de Naples, où il faut par necessité passer plus de cent lieuës de mer, and infinis autres en cassemblables. Thomas d'Aquin, Durand Herué, Bonauenture de Tarantaisie, and Getald Odet, qui ont traité ceste question sur le second liure, distinction V I I I. du Maistre des Sentences, tiennent formellement que les Diables transportent les corps de lieu en lieu par leur puissance naturelle. Combien que ie trouue le rauissement en ecstase, qu'ils disent beaucoup plus admirable, que le transport corporel. Et si le Diable a ceste puissance, comme ils confessent, de rauir l'esprit hors du corps, n'est-il pas plus aisé d'emporter le corps and l'ame sans distraction, ny diuision de la partie raisonnable, que distraire and diuiser l'vne de l'autre sans mourir? Or cõbien que nous ayons des tesmoignages trescertains, and demonstrations indubitables de l'immortalité de l'ame, si est-ce que cestuy-cy me semble des plus forts, and des plus grands, and qui peut suffire estant aueré, comme il a esté par infinies histoires, iugeme (02) s, recolemens, confrontations, conuictions, cõfessions, executions. Il peut, dy-ie, suffire pour conuaincre tous les Epicuriens and Atheistes, que l'esprit humain est vne essence immortelle. Car l'hipothese d'Aristote au second liure de l'Ame est par ce moyen tresbie (02) verifiee, and demonstree en ce qu'il dit que l'ame est immortelle, si elle peut quelque chose sans l'ayde du corps. Et l'autre hypothese, que l'ame est immortelle, si elle est separable du corps. Mais les infideles, qui ne croyent ny la puissance de Dieu, ny l'essence des esprits disent, que ce que nous appellõs Ame, est vne liaison harmonieuse, Page 251
