ne soit rauy d'amour and de zele à l'honneur de son Createur: and en tous les endroits des Psalmes, où il se trouue le mot Sela, qui est frequent: ceux qui le chantoient esleuoient leur voix auec le corps, comme Dauid Kymhi a noté sur les commentaires Hebrieux des Psalmes: iaçoit que ce mot signifie Eternité, comme l'interprete Caldean à tourné, and Symmachus and Theodociõ [Greek omitted] and Abrahã Alben-Esra tourne [Hebrew omitted] id est verè: and neantmoins tousiours les chantres se leuoient à ce mot. Les processions qu'on faict, monstrent encores, comme il semble, la marque des danses anciennes. Et encores a present és festes solennelles, ceux qu'on appelle chantres apres auoir entonné and commencé vn Psalme, ils vont balant au milieu du cueur, comme il se voit és Eglises Cathoques plus solennellement seruies. Vray est que la pluspart ne font que se pourmener: qui est aduenu par corruption de coustume de ceux qu'on mettoit en ceste charge qui ne sçauoient ny chãter ny baler: mais anciennement les chantres apres auoir entonné baloient sans chanter, la main dextre haute, and non vn baston tirant d'Orient en Occident, puis d'Occident, en Orient, and en fin s'approchoyent vis a vis l'vn de l'autre: à la mode des chantres tragiques, qui figuroyent les trois mouuemens des cieux, and les bastõs d'argent des chantres signifient la main. Aussi tous les peuples vsoient en leurs sacrifices, and festes solennelles de danses. Et Moyse Maymon escript, que les filles Persanes, adorant le Soleil, dansoyent toutes nues, and chantoient, auec instrumens. Page 246
