Page:De la Démonomanie des Sorciers (1587).djvu/230

C'est le moyen que les Sorciers ont pour diuiner. La Sorciere, que i'ay dict, n'appella point de la sentence, disant qu'elle aimoit mieux mourir, que d'estre plus tourmentee du diable, qui ne luy donnoit point de repos: Mais il faict bien à noter qu'il ne se faict poinct d'assemblee, ou l'on ne danse, and par la confession des Sorcieres de Longny elles disoient en dansant, har, har, diable, diable, sauteicy, saute là, ioüe icy, ioue là: Et les autres disoient Sabath, Sabath, c'est à dire, la feste and iour de repos, en haussant les mains and balets en hault, pour testifier and donner vn certain tesmoingnage d'allegresse, and que de bon cueur ils seruent, and adorent le diable, and aussi pour contrefaire l'adoration qui est deuë à Dieu. Car il est bien certain que les anciens Hebrieux apportant leurs oblations au Temple, quand ils approchoient de l'autel, ils dansoient, comme a tresbien noté Dauid Kimhi2 sur le mot, haga [Hebrew omitted] qui signifie feste, and danse. Et Dauid pour vn grand signe d'allegresse dansoit en disant le Psalme quarante sept, and sonnoit de la harpe deuant l'arche. Et en cas pareil nous lisons que Samuel addressa Saul à la troupe des Prophetes, qui dansoient en louant Dieu auecques instruments de musique, laquelle est principalement donnee aux hommes pour louer Dieu d'vne pleine ioye and allegresse: mais le mouuement du corps estoit tel qu'il n'y auoit rien d'insolent, ains le doux mouuement du corps esleuoit le cueur au ciel, qui est la chose la plus aggreable à Dieu. Car il ne se peut faire que celuy qui chante louanges à Dieu de telle allegresse, -notes- 2Sur Psalme 41. Page 245