pour faire languir, à l'autre pour faire mourir les hommes. Et en fin le diable leur disoit d'vne voix terrible ces mots, Vengez vous ou vous mourrez: cela faict chacun s'en retournoit à l'ayde du diable, comme ils estoient venus. Il faict bien à remarquer qu'ils estoient tenus d'aller trois fois l'an faire ce sacrifice au diable, contrefaisant le sacrifice du Bouc, porté par la loy de Dieu au Leuitique chapitre seiziesme, and le cõmandement qui portoit que tous les masles deuoient cõparoistre deuãt Dieu trois fois l'ã aux trois festes solennelles. Le President Saluert homme d'honneur me dist plus qu'il se trouua és anciens registres, qu'il y auoit cent ans, qu'on auoit condamné des Sorciers pour semblable cas, and pour semblables confessions, and au mesme lieu de la croix portee par le procez. Les deux se repentirent, les deux autres moururent opiniastres. Mais de tous les procez il n'y en a poinct de plus digne d'estre leu que celuy d'Abel de la Rue, qui fut executé à mort, par arrest de la court, mil cinq cens octante deux, non tant par les preuues des tesmoings, que par sa propre confession, où l'on peut veoir la naifue verité: comme ayant esté choisy par Sathan entre les ieunes Cordeliers de Meaux, and baillé au berger de Vaucourtois, le plus grand Sorcier du pays: enuiron la feste de Noel, sur les onze heures de nuict, le diable vint par la cheminee, faisant vn bruit effroyable, and comme s'il eust tonné, and luy demandit s'il se fioit pas en luy, and s'il ne vouloit pas venir à l'assemblee, and l'ayant consenty il fut porté auec le berger apres s'estre frottez de graisse trespuante Page 241
sous les aisselles, and
