procez des Sorciers de Valery en Sauoye, faict l'an 1574. duquel Danneau a faict l'extraict assez ample, ou l'on peut voir que le Diable en tout lieu, est semblable à soy-mesme: car par la confession des Sorcieres de Valery, and confrontation des vnes aux autres, on voit le transport en corps sur vn baston seulement sans onction, puis l'abiuration de Dieu, l'adoration du Diable, les danses, festins, and le baiser aux parties honteuses de Sathan en guise de beste, puis l'obligation de faire mille maux, and les poudres qu'on bailloit à chacun, and que l'vne auoit faict X X X. ans ce mestier. Et quasi tousiours le Diable se monstroit en guise d'homme, fort noir and hideux, and que les peres and meres y attirerent leurs enfans, le procez est en la derniere edition de Lambert Danneau. Quant aux viandes, and perfonnes qui s'efuanouissent, nous en auons vn tesmoingnage en Philostrate Lemnien, autheur Grec, que Apollonius Thianæus estant entré en vne maison, où les Sorciers faisoient de semblables festins, les menassa aigrement, and soudain tout disparut, tables, viandes, personnes, and meubles, and ne se trouua que vn ieune homme que les Sorciers auoient nouuellement seduict. Le mesme faisoir Pases en Grece, and vn fameux Sorcier de la basse Bretaigne, nommé Eon, qui faisoit soudain seruir ceux qui le venoient voir, de viandes exquises, comme à la table du Soleil en Afrique, and hors de là ils mouroient de faim. Il fut emprisonné du temps d'Eugene Pape, aiant esté au Concil de Rheims, and mourut en prison l'an 1148. Vniour il monstra de grans thresors à vn qui Page 237
