comme le President Saleuert ma dict, qu'il fut trouué par les anciens and Registres de plus de cent ans. Et à Maubec pres Beaumont de Lomaigne à huict lieux de Tolose il fut verifié que les assemblees des Sorciers se faisoient à la Croix du paste, and dansoient, comme ils font ordinairement és autres lieux, and l'vne d'icelles appellee Berõde, estant sur le point d'estre bruslee: sur ce qu'elle fut confrontee à vne damoiselle qui vouloit nyer qu'elle y eust esté, luy dist: No sabes tu que le derrain cop que nous hemes le baran à la Croux do pastis, tu portaos lo topin des poudoux? C'est à dire. Ne sçais tu pas que la derniere fois que nous fismes la danse à la Croix du paste, tu portois le pot des poisons? Ceste Sorciere Beronde fut bruslee toute vifue. Et quand au transport i'ay leu que celà se faisoit apres les onctions, and souuent sans onction: tantost sur vn bouc, tantost sur vn cheual volant, tantost sur vn ballet, tantost sur vn baston, tantost sans aucun baston, ny beste and souuent sans onction, and les vns y vont nuds comme font la plus part pour se graisser ainsi que nous auons dit, les autres vestus, les vns la nuict, les autres le iour: mais ordinairement la nuict, and le plus souuent entre la nuict du Lundy and Mardy nous dirons en son lieu la raison. Et à ce propos Paul Grilland au liure des Sortileges dict que l'an M. D. XXIIII. il fut prié par vn Seigneur d'aller au chasteau S. Paul, Duché de Spolette, faire le procez à trois Sorcieres. La plus ieune souz promesse d'eschaper, luy confessa qu'il auoit XIIII. ans passez, que vne vieille Sorciere l'auoit mence en l'assemblee des Sorciers, où il y auoit vn Diable Page 234
