loué soit Dieu, puis que le sel est venu. Si tost qu'il eut dict, loué soit Dieu, soudain tout disparut and personnes, and viandes, and tables, and demeura seul tout nud, avant grand froid, ne sachant où il estoit: le iour venu il trouua des bergers ausquels il demanda où il estoit, qui luy dirent qu'il estoit au Comté de Beneuent. Qui est le plus beau domaine du Pape souz vn grãd noyer, loin de Rome de cent mil, and fut contrainct mandier pain, and habits, and l'huitiesme iour il arriua en sa maison fort maigre and defait, and alla accuser sa femme, qui en accusa d'autres, qui furent bruslees toutes vifues, apres auoir confessé la verité. Le mesme autheur recite encores, qu'il aduint l'an mil D. X X X V. que vne ieune ieune fille au Duché de Spolette, agee de X I I I. ans fut ainsi conduicte par vne vielle Sorciere à l'assemblee, and s'estonnant de voir telle compagnie, elle dict, Dio benedetto che cosa e questa? Dieu beneist, qu'est cecy? Elle n'eut pas si tost dict ceste parolle, que tout s'esuanouït: Et la pauure fille au matin fut trouuee par vn païsan, auquel elle conta toute l'histoire, qui depuis la renuoya en son pays, où elle accusa la Sorciere, qui fut bruslee toute vifue. Quand à ce qu'il dict, que les assemblees se faisoient souz vn grand noyer, i'ay remarqué en plusieurs histoires: and procez que les lieux des assemblees des Sorciers sont notables, and signalez de quelques arbres; ou Croix, comme au procez des Sorciers de Poictiers qui furent bruslez l'an M. D. LXIIII. il fut trouué qu'ils s'assembloient aupres de certaine Croix cognuë en tout le païs, and à la quelle des cent ans au parauant les Sorciers s'assembloient, Page 233
