Page:De la Démonomanie des Sorciers (1587).djvu/217

pour signifier leur celerité incomprehensible, donne six ailes. Se voyant en l'assemblee, la femme le fist tenir vn peu à l'escart, pour voir tout le mystere, iusques à ce qu'elle cust fait la reuerence au chef de l'assemblee, qui estoit habillé en Prince pompeusement, and accompagné d'vne grãd multitude d'hommes, and de femmes, qui tout firent hommage au Maistre. Et puis il apperçeut, apres les reuerences, qu'on fist vne danse en rond les faces tournees hors le rondeau, en sorte que les personnes ne se voyoyent pas en face, comme és danses ordinaires: à fin peut estre que les vns n'eussent loisir de remarquer si aysement, and recognoistre les autres pour les accuser, s'ils estoient pris par Iustice. Et quand à ce poinct le Sorcier Des-eschelles à qui le Roy Charles IX. donna la grace pour accuser ses compagnons, dist au Roy, en presence de plusieurs grands Seigneurs, que les Sor ciers estoient transportez aux assemblees, où il se trouue nombre infiny de telles gens qui adorent le bouc, and le baisent aux parties de derriere, and puis dansent dos à dos sans se voir, and apres ils se couplent auec les Diables en figure d'hommes, and de femmes. La danse que i'ay dict finie les tables furent couuertes de plusieurs viandes. Alors la femme fist approcher son mary, pour faire la reuerence au Prince, and puis il se met à table auec les autres, and voyant que les viandes n'estoient salees, and qu'il n'y auoit poinct de sel sur les tables, il cria tant qu'on luy apporta du sel, comme il luy sembla à voir, and deuant que l'auoir gousté il dist: hor laudato sia Dio, pure venuto questo sale, Or Page 232